"Bizə yaşatdığı möhtəşəm zəfərlərə görə cənab prezident İlham Əliyevə nə qədər təşəkkür etsək azdır" - Emil Əkbərov

"Cənab Prezident İlham Əliyev yanvarın 10-da yerli televiziya kanallarına müsahibəsi zamanı hər zaman olduğu kimi yenə də çox mühüm məsələlərə toxundu".

Bunu Sonxeber.az-a danışan "BİG Media" MMC-nin direktoru Emil Əkbərov bildirib.

Emil Əkbərov qeyd edib ki, 2023-cü il Azərbaycanın tarixinə növbəti uğurlu il kimi həkk olundu:

"Cənab prezident yanvarın 10-da Azərbaycan Respublikasının Prezidenti İlham Əliyevin yerli televiziya kanallarına müsahibəsində jurnalistlərin ötən müddətdə Azərbaycanda iqtisadi, sosial sahələrdə görülən işlərə, növbədənkənar Prezident seçkilərinə, Azərbaycan ilə Ermənistan arasındakı münasibətlərə, işğaldan azad edilmiş ərazilərdə aparılan yenidənqurma işlərinə, ölkəmizin xarici siyasətinə və digər mühüm məsələlərə dair suallarını cavablandırıb.İlk olaraq ölkə başçısı fevralın 7-nə təyin edilən növbədənkənar prezident seçkilərini şərtləndirən əsas amillər barədə danışıb. Cənab prezident İlham Əliyev fevralın 7-də Müstəqil Azərbaycanın tarixində ilk dəfə olaraq bütün ölkə ərazisində seçkilərin keçiriləcəyini qeyd edərək sentyabr hadisələrindən sonra yeni dövrün başlandığını da vurğulayıb.

Müstəqil Azərbaycanın tarixində ilk olaraq bütün ölkə ərazisində keçiriləcək birinci seçkilərin məhz prezident seçkilərinin olması vacibdir. Ötən il Cənab prezident İlham Əliyevin ölkə başçısı seçilməsinin 20 ili tamam oldu. 20 il ərzində cənab prezident İlham Əliyevin yürütdüyü uğurlu siyasət nəticəsində Azərbaycan həm regionda, həm də dünyada söz sahibi olan güclü dövlətdir.
Ən mühümü isə cənab prezident İlham Əliyevin xalqına verdiyi bütün sözləri tutmasıdır. Məhz Ali Baş Komandan İlham Əliyevin zamanında atdığı və gələcəyə hesablanmış addımları nəticəsində bu gün bütün Azərbacan torpaqlarında üçrəngli bayrağımız dalğalanır. Bizə yaşatdığı möhtəşəm zəfərlərə görə cənab prezident İlham Əliyevə nə qədər təşəkkür etsək azdır. Əminım ki, dövlət və xalq olaraq bundan sonra da cənab prezident İlham Əliyevlə biz daha böyük uğurların şahidi olacağıq".

Telegramda izləyin