"10 nəfər yığılmasa vaksin VURULMUR" iddiasına TƏBİB-dən CAVAB

Xəbər verdiyimiz kimi vətəndaşlar vaksinasiya ilə bağlı problemlər yaranıb. Vətəndaşlardan biri "Xəzər Xəbər"ə bildirib ki, 6 nömrəli poliklinikada qızılca peyvəndi vurdurmaq istəsə də, ona 1 nəfər olduğu üçün peyvənd vurulmayacağı deyilib. Bəs belə bir qayda nə dərəcədə doğrudur? Həqiqətən belə qayda varmı?

Məsələ ilə əlaqədar TƏBİB Sonxeber.az-a açıqlama verib:

"Səhiyyə Nazirliyi tərəfindən ölkəmizə gətirilmiş 11-40 yaş arasında əhali üçün nəzərdə tutulmuş qızılca xəstəliyinə qarşı peyvənd istehsalçı tərəfindən 10 nəfərlik ampulalarda istehsal olunub. Buna görə əhali arasında belə bir fikir yaranıb ki, sadəcə 10 nəfər bir yerə yığıldıqda vaksin olunmalıdır. Halbuki, belə bir göstəriş yoxdur. Bizim məqsədimiz əhalini peyvənd etməkdir. TƏBİB hər kəsi peyvənd olunmağa dəvət edir".

Sevda Səfərova

Telegramda izləyin