Mebel sexindəki yanğında vəfat edən Zaurun yaxını DANIŞDI: "Onun 5 aylıq körpəsi var"

Binəqədidə baş verən partlayışda həlak olan Cəfərov Zaur Qulu oğlunun 4 övladı var .

Bu barədə Cəfərov Zaurun yaxın qohumu Sonxeber.az-a danışıb.

Qohumu bildirib ki, o, ilk həyat yoldaşını 4 il əvvəl itirib:

"İlk həyat yoldasi 4 il əvvəl qəfil dünyasin dəyişdi. Həkimlər qadında tromp olduğunu dedilər. Daha sonra Zaurun 3 övladına onun anası baxmağa başladı. Amma sonradan Zaurun anası xərçəng xəstəliyinə tutuldu. Elə həmin ərəfədə anası da rəhmətə getdi".

Mərhumun 5 aylıq qızı olduğunu bildirən qohumu, qadının hazırda bütün uşaqlarla yaxşı anlaşdığını qeyd edib:

"Onun 5 aylıq qızı var. Həyat yoldaşı uşaqlarla çox gözəl dil tapır. Mərhumu biz dünən dəfn etdik. Usaqların ana tərəfdən nənəsi, babası,dayıları ata tərəfdən əmisi və bibisi var. Əmisi də partlayış zamanı ağır yaralanıb. Hazırda reanimatsiyadadır. Həyat yoldaşı uşaqlara özünün baxacağını deyib".

Qeyd edək ki, mebel sexində baş vermiş partlayış nəticəsində ümumilikdə 9 nəfər həlak olub. Zaur Cəfərovun qardaşı Cəfərov Şahin və Nicat adlı bacısı oğlu da sözügedən partlayış nəticəsində ağır yanıq xəsarətləri alıb.

Telegramda izləyin