Bu binada 84 ailə 13 ildir qazsız yaşayır - AÇIQLAMA+VİDEO

Soyuq havalarda təbii qazın gəlməməsi bir sıra problemlər yaradır. Xüsusilə binalarda mərkəzi istilik sistemi yoxdursa, vəziyyət daha çox çətinləşir.

Bakıxanov qəsəbəsi, Səməd bəy Mehmandarov küçəsi, bina 8-in sakinləri 13 ildir ki, bu vəziyyətdə yaşayırlar.

Sonxeber.az xəbər verir ki, sakinlər problem ilə əlaqədar "ARB Xəbər"ə açıqlama veriblər. Bildiriblər ki, 2011-ci ildən binaya qazın verilişi dayandırılıb. Bu baxımdan ailələr alternativ üsullara əl atmağa başlayıblar. Qaz xətti olmadığı üçün binada sakinlər qaz balonlarından istifadə edirlər. Bu balonloarla həm sakinlər gündəlik yeməklərinin hazırlanmasında, həm də evin isidilməsində istifadə edirlər.

"Azəriqaz" İstehsalat Birliyi illərdir davam edən vəziyyət ilə bağlı bildirib ki, sözügedən binaya qaz verilə bilməz. Çünki bina qəzalı vəziyyətdədir.

"2011-ci ildən həmin binanın qaz təchizatı xətlərin və təsərrüfatın yararsız vəziyyətdə olması ilə əlaqədar dayandırlıb. Fövqəladə baxış keçirib və rəy verib ki, yataqxanadır. Ümumiyyətlə ora qaz verilə bilməz. Təsərrüfatın yararsız vəziyyətdə olmasına görə, binanın işini saxlayıblar. Heç bir qurum tərəfindən ora müsbət rəy verilməyib".
Ətraflı "ARB Xəbər"in süjetində:

Telegramda izləyin