Son dövrlər Azərbaycanda narkotik qaçaqmalçılığının artmasının səbəbi nədir? - AÇIQLAMA

Xəbər verdiyimiz kimi, narkotiklərin qanunsuz dövriyyəsini təşkil edən şəxslərə qarşı DİN-in Baş Narkotiklərlə Mübarizə İdarəsinin əməkdaşları yanvar ayında paytaxt və bölgələrdə 50-dən artıq əməliyyat keçirib. Bəs son zamanlarda Azərbaycanda qanunsuz narkotik dövriyyəsinin artım səbəbi nə ilə bağlıdır?

Məsələ ilə bağlı, "Polisə Dəstək" İctimai Birliyinin sədri, təqaüddə olan polis polkovniki Şəmsəddin Əliyev Sonxeber.az-a bildirib ki, narkotiklərin qanunsuz dövriyyəsi ilə bağlı cinayət faktlarının aşkar olunması yüksələn xətlə davam edir:

"Narkotiklərin qanunsuz dövriyyəsi ilə bağlı milli fəaliyyət planı olsa da və DİN-in Baş Narkotiklərlə Mübarizə İdarəsinin əməkdaşları və rayon şəhər regionlarında narkotiklə bağlı şöbələrin, bölmələrin şəxsi heyətidə çox ciddi prinsipiallıq nümayiş etdirirlər. Yəni bu sosial bəla qarşısını almaq bütövlükdə mümkün deyil. Dünyada narkotiklərin qanunsuz dövriyyəsi ilə bağlı bazarlar var. Bu bazara rəhbərlik edənlər kifayət qədər qətiyyətə malik güclü dövlətlərdir. Bazarların bağlanmasını mən ehtiyat belə etmirəm. Əfqanıstanda demək olar ki, bu açıq bazardır. Narkotiklərin istənilən növləri alınır və satılır. Kolumbiya və digər ölkələrdə o cümlədən bu bazarlar mümkündür. Azərbaycanda narkotik vasitələrin kultivasiyayası və qanunsuz yollarla gətirilən maddələrin qarşısı əlaqəli polis şöbələrinə daxil olan vətəndaş məlumatları əsasında qarşısı dərhal alınır, məhv olunur. Amma bu sahədə kifayət qədər ciddi maarifləndirmə işləri həyata keçirilsə də, Qeyri-Hökumət Təşkilatlarına Dövlət Dəstəyi Agentliyinin bu sahədə kifayət qədər layihələri olsa da, müəyyən mənada vətəndaşları bu yoldan çəkindirmək mümkün deyil. İnsanlarda narkotik maddələrə qarşı asılılıq var".

Sədr deyib ki, narkotik vasitələrin qanunsuz dövriyyəsi ilə bağlı cinayətlərin dinamikasında az yaşlıların sayı demək olar ki, 0 həddindədir və çox deyil:

"Varsa da ümumi rəqəmlərin fonunda zərərsiz bir faktordur. Narkotik vasitələrin gəncləşməsi bizdə bloklana bilir. Digər Avropa ölkələri ilə müqayisədə Azərbaycanda vəziyyət tam narahatlıqla müşayiət olunmur. Amma təbii ki, Azərbaycana gətirilən narkotik vasitələr qaçaqmalçılıq və quru yolla, su və hava yolu ilə belə mümkündür. Əsasən cənubda İrandan sərhədi qanunsuz keçmə yolu ilə gətirilir. 2020-ci ilə qədər Azərbaycanın işğal olunmuş ərazisində dövlətin nəzarət mexanizmi ümumiyyətlə işləmirdi. Oradan bizim qonşumuz eyni dindən olan İran bu fürsətdən istifadə edərək ermənilər ilə müəyyən mənada qanunsuz dövriyyə ilə bağlı birgə fəaliyyətə başlamışdı. Orada hətta insan alveri cinayətləri və narkotik vasitələrinin külli-miqdarda dövriyyəsi ilə bağlı kifayət qədər faktlar var. Hətta Azərbaycan tərəfindən İran İslam Respublikasına göndərilən sorğular belə cavablandırılmırdı. Tərəfimizdən kifayət qədər İran vətəndaşları narkotik vasitələri ilə bağlı saxlanılmışdır. Onların digər yoldaşlarının şəxsiyyəti ilə bağlı məlumata dair sorğular qarşı tərəfə göndərilsə də cavab verilmədi. Amma sevindirici hal ondan ibarətdir ki, DİN-in salnaməsində narkotiklərə qarşı mübarizə bu şəkildə sərt, prinsipial, peşəkarlıqla davam etmişdir".

Şəmsəddin Əliyevin sözlərinə görə, son 4 ilə yaxın müddət ərzində həqiqətən hər gün demək olar ki, təhlükəli narkotik vasitələrin qanunsuz dövriyyəsi ilə bağlı tədbirlər həyata keçirilir:

" Qruplar ifşa olunur və saxlanılır. Deməli bu sahədə səngimək bilməyən tədbirlər davam etməkdədir. Çünki ara vermək olmaz. Tədbirlər və qərar, maarifləndirmə işləri davam etməlidir. Mən çox istərdim ki, bütövlükdə sosial bəlanın qarşısını almaq üçün orta məktəblərdə və ali təhsil ocaqlarında narkotik vasitələrin qanunsuz dövriyyəsi ilə bağlı tədris proqramlarında yer ayırsınlar. Bunun zərərli nəticələri, insanların orqanizmində yaradılan fəsadlar və aradan qaldırılması istiqamətində məlumatlar verilsin. O cümlədən hüquqşünaslar və sosioloqlar, kriminoloqlar tərəfindən mühazirələr təşkil edilməlidir. Narkotiklərdən əziyyət çəkən xəstələrin müalicəsi ilə bağlı ciddi narahatlıqlar var. Bizdə narkotiklərlə bağlı fəsillərin məruzəsində çarpayıların və dispanserlərin azlığı diqqət çəkir. Burada həm də narkoloqlar azdır. Deyək ki, Tibb Universitetinin narkoloqların sırasında il ərzində 2 hətta məzunları olmur. Buna da diqqət yetirmək lazımdır. Gəncədən Lənkəranda və Şirvan zonalarında bu sahədə mübarizələri gücləndirmək, dispanserlərin olması vacibdir".

Şəmsəddin Əliyev qeyd edib ki, narkotiklərin qəbulundan əziyyət çəkən insanların müalicəsinə biraz diqqət ayrılsın. Bəzən valideynlər övladlarını xəstəliklərdən müalicə etmək üçün müəyyən qurumlara müraciət etməyi özünə ar bilirlər yaxud çəkinirlər:

"Çünki övladının məsuliyyətə cəlb olunmasından ehtiyatlanırlar. Bütün bunlar aradan qaldırılmalıdır. Valideynlər heç nədən çəkinmədən narkotikdən əziyyət çəkən vətəndaşlarımızın, övladlarımızın həyat və sağlamlıqlarının bərpası istiqamətində tədbirləri həyata keçirməlidirlər. Ümumi məlumatda belədir ki, 35 mindən çox narkoman qeydiyyata alınıb. Bu rəsmi qeydiyyata alınanların siyahısıdır. Təbii ki, qeydiyyata alınmayanlar belə var. Qeydiyyata alınmayanlar qeydiyyata alınanlardan kifayət qədər çoxdur. Təxminən iki dəfəyə qədər çoxdur. 2021-ci ildə 34 min 600 nəfər olub. Amma demək olar ki, hər il min nəfər artımla davam edir. Daha çox narahatlıq doğuran Bakı şəhəridir. Daha sonra cənub bölgələri və Sumqayıtdır. Amma statistika belədir kız son 10 il ərzində narkomanların sayında artım var".

Sevda Səfərova

Telegramda izləyin