Əhməd ilk insan deyil ki, psixi xəstəliyi olduğu halda sürücülük vəsiqəsi alır! - AÇIQLAMA

Məlum olduğu kimi, ailənin 5 üzvünün qətlə yetirən Əhməd Əhmədovun ailəsi həbsxanaya girməməsi üçün ona "dəlilik kağızı" düzəldib, sonra da onu aradan çıxarıb Rusiyaya göndəribmiş. Sonradan ona maşın, ev alıb, gündəlik də cibxərci veriblər "dəlilik kağızı"nı təmizləyib, sağlamlıq arayışı ilə ona sürücülük vəsiqəsi də alıblar.

Nəqliyyat məsələləri üzrə ekspert Elməddin Muradlı Sonxeber.az-a bildirib ki, dəfələrlə, daha əvvəl belə hallara rast gəlinib və dəlilik kağızı olduğu halda belə şəxslərə sürücülük vəsiqəsi verilib.

"Sağlamlıq arayışını verən isə səhiyyə ocaqlarıdır. Yol polisidə o arayışa əsaslanır. Yol polisi özündən qərar verib kiməsə sağlamlıq arayışı vermir. Arayışı isə səhiyyə orqanı verir. Probemin kökü ondan ibarətdir. Dəfələrlə bu mövzu gündəmə gəlib. Bu yaxınlarda, yenə bir sürücü şou göstərərək şəhərini bir-birinə qatmışdı. Onu da saxladılar və bildilər ki, onun da dəlilik kağızı var. İki il bundan əvvəl Yusif Səfərov küçəsində sürücü yüksək balla Neft Akademiyasına qəbul olmuşdu. Lüt soyunub küçədə maşını tərsinə çevirdi. Neçə maşına zərər vermişdi. Onu da tutdular və məlum oldu ki, bu da dəlidir".

Sevda Səfərova

Telegramda izləyin