Yeniyetmə qızı alçaldan məktəbliləri hansı cəza gözləyir? - VİDEO

Xəbər verdiyimiz kimi sosial şəbəkələrdə 156 nömrəli məktəbin XI sinif şagirdinin (müvafiq səbəbdən şagirdin adı qeyd olunmur) yanvarın 17-si məktəbdən kənarda 2023-cü ildə IX sinifdən məzun olmuş qıza qarşı uyğunsuz və qeyri-etik davranışına dair görüntülər yayılıb. Dövlət qurumları görüntülərlə bağlı araşdırma aparırlar. Bu gün hər kəsi maraqlandıran sual XI sinif şagirdini hansı cəza gözləyir?

Bununla bağlı Sonxeber.az-a danışan vəkil Elvin Əliyev bildirib ki, Azərbaycan Respublikası Cinayət Məcəlləsinin 20.1-ci maddəsinə əsasən cinayət törədənədək on altı yaşı tamam olmuş şəxs cinayət məsuliyyətinə cəlb edilir:

"Həmin qanunun 20.2-ci maddəsinə əsasən on dörd yaşı tamam olmuş şəxs yalnız qəsdən adam öldürməyə, qəsdən sağlamlığa az ağır və ya ağır zərər vurmağa, adam oğurlamağa, zorlamağa, seksual xarakterli zorakılıq hərəkətlərinə, oğurluğa, soyğunçuluğa, quldurluğa, hədə-qorxu ilə tələb etməyə, talama məqsədi olmadan qanunsuz olaraq avtomobil və ya başqa nəqliyyat vasitəsi ələ keçirməyə, ağırlaşdırıcı hallarda əmlakı qəsdən məhv etməyə və ya zədələməyə, terrorçuluğa, adamları girov götürməyə ağırlaşdırıcı hallarda xuliqanlığa, odlu silahı, döyüş sursatını, partlayıcı maddələri və qurğuları talamağa və ya hədə-qorxu ilə tələb etməyə, narkotik vasitələri və ya psixotrop maddələri talamağa və ya hədə-qorxu ilə tələb etməyə, nəqliyyat vasitələrini və ya yolları yararsız vəziyyətə salmağa görə cinayət məsuliyyətinə cəlb edilir.

İlk öncə həmin əməli törətmiş şəxsin yaşı daha sonra şəxsiyəti, məktəbdə ümumi davranışı, təhsili və s. digər xüsusiyyətli nəzərə alınmalıdır. Əgər cinayət məsuliyyətinə cəlb etməyə imkan verən yaş həddinə çatmışdırsa o zaman isintaq orqanı tərəfindən tam, hərtərəfli və obyektiv araşdırma aparılmalı, şəxsin əməlində cinayət məcəlləsinin və ya İnzibati Xətalar Məcəlləsinin hansı maddəsinin tərkibinin olması dəqiqləşdirilərək barəsində müvafiq tədbir görülməsi üçün məhkəməyə göndərilməlidir. Bundan əlavə təhqirə və alçaldıcı hərəkətlərə məruz qalmış şəxsin ona dəymiş maddi və mənəvi ziyanla bağlı məhkəməyə müraciət etmək hüququ var.

Video-çaxrdan da göründüyü kimi məktəbli qıza qarşı xuliqanlıq edilir, ona fiziki və pzixoloji təsir olunur. Həmin əməli törətmiş şəxsin hərəkətlərində olan qanun pozuntuları istintaq orqanının araşdırması nəicəsində müəyyən olunacaq və yaş həddi imkan verirsə qanunvericilikdə nəzərdə tutulmuş cəza tətbiq olunacaq".

Telegramda izləyin