"Azərbaycan 4 günlük dərs rejiminə keçə bilər" - AÇIQLAMA

Ölkədə məktəblər və universitetlər 5 günlük iş qrafiki ilə fəaliyyət göstərir. Bəs Azərbaycanda 4 günlük dərs rejiminə keçid reallaşa bilər?

Məsələ ilə bağlı təhsil eksperti Elçin Əfəndiyev Sonxeber.az-a açıqlama verib.

O bildirb ki, yaxın gələcəkdə 4 günlük təhsil rejiminə keçid inandırıcı deyil:

"Hazırda ali və orta təhsil müəssisələrində dərslər 5 və 6 günlük tədris olunur. Yalnız məktəbəqədər hazırlıq və bağçalarda 3 və 4 günlük tədris var. Dörd günlük dərs sisteminə keçmək üçün, ilk növbədə infrakstruktur sahəsində dəyişikliklər etməliyik. Daha sonra isə tələbə və şagirdlərin yerləşdirilmə məsələsində müvafiq olaraq sıxlığı aradan qaldırmalıyıq. Buna görə də müəyyən ərazilərdə yeni məktəblər tikilməlidir. Amma bunun üçün müəyyən zaman lazımdır. Ancaq bundan sora 4 günlük tədris rejiminə keçmək olar.

Praktika üçün isə əlavə günə ehtiyac yoxdur. Şagird və tələbələrə hər gün nəzəri biliklərlə yanaşı, praktik biliklərində öyrədilməsi daha məqsədəuyğundur. Nəzəri bilik öyrədildikdən sonra praktikada tətbiq edilməsi şagird və tələbə üçün daha yaxşıdır. Yaxın zamanlarda 4 günlük təhsil rejiminə keçid inandırıcı deyil. Bunun üçün xeyli vaxt lazımdır. Hazırda bəzi məktəblərdə hətta 6 günlük iş rejimi var. Məktəblərin sayını artırıb şagird sıxlığını azaltmaqla gələcəkdə 4 günlük dərs rejimine keçid mümkün ola bilər. Bu da təbii ki, aidiyyatı qurumların qərarıdır".

Telegramda izləyin