La Liqada ən çox maaş alan futbolçu açıqlandı - Mbappe deyil

Kataloniya "Barselona"sının yarımmüdafiəçisi Frenkie de Yonq İspaniya La Liqasında 2024/2025 mövsümünün ən çox maaş alan futbolçusu olub.

Lent.az xarici KİV-ə istinadla bildirir ki, hollandiyalı futbolçunun vergilərdən əvvəlki maaşı ildə 37,5 milyon avro təşkil edir. İkinci yerdə Kataloniya komandasının polşalı hücumçusu Robert Levandovski qərarlaşıb, onun maaşı ildə 33,3 milyon avrodur. Üçüncü yerdə 31,3 milyon avro maaşla "Real Madrid"in yeni futbolçusu Kilian Mbappe qərarlaşıb.

İlk onluqda həmçinin daha beş Los Blancos oyunçusu var: David Alaba (4-cü), Cude Bellinqem (6-cı), Vinisius Junior (7-ci), Federiko Valverde (9-cu) və Tibo Kurtua (10-cu). Beşinci yerdə "Atletiko Madrid"in sloveniyalı qapıçısı Yan Oblak qərarlaşıb. Səkkizinci yerdə "Barselona"nın yarımmüdafiəçisi İlkay Gündoğandır.

Telegramda izləyin