Qızlarına təcavüz edən ata öz cinsi orqanını kəsdi

Zonguldakda 2 qızına cinsi istismar etdiyi üçün həbs olunan ata həbsxanada cinsi orqanını kəsib.

Sonxeber.az türk mediasına istinadən xəbər verir ki, qan donduran hadisə Ergin A.-nın 17 yaşlı qızı Doğum və Uşaq Xəstəxanasında müayinə olunduqdan və 18 həftəlik hamilə olduğu müəyyən edildikdən sonra baş verib. Qız ifadəsində atası Ergin A.-nın 2-3 ildir ki, ona cinsi təcavüz etdiyini açıqlayıb. Ergin A.-nın digər 15 yaşlı qızı da polisə atasının ona da cinsi təcavüz etdiyini bildirib. İki qızının ifadələrindən sonra kənddəki evində polis tərəfindən saxlanılan Ergin A. məhkəmədə həbs edilərək həbsxanaya göndərilib.

Təxminən bir həftə Zonguldak M Tipi Qapalı Cəza Müəssisəsində qalan Ergin A. iyulun 25-də cinsi orqanını kəsici alətlə kəsib. Həbsxanaya gələn həkimlərin ilk müdaxiləsindən sonra Ergin A. və kəsilmiş cinsi orqanı Zonguldak Bülent Ecevit Universiteti Xəstəxanasına aparılıb. Xəstəxanada müalicə alan Ergin A.-nın polisə verdiyi ifadəsində orqanını özü kəsdiyini və heç kəsdən zərər görmədiyini bildirib. Keçmişdən bir gözündə görmə qüsuru olan Ergin A.-nın cinsi orqanına tikiş vurularaq yenidən həbsxanaya göndərilib. Onun qızları dövlət himayəsinə götürülüb. Hadisə ilə bağlı başlanan məhkəmə prosesi davam edir.

Telegramda izləyin