Saxta hərbçi şəhid fotoları ilə qadınları belə TƏLƏYƏ SALIR - VİDEO

10 il əvvəl şəhid olan əsgərin fotosundan istifadə edərək özünü kapitan kimi təqdim edən və qadınları öz tələsinə salan şəxsin əməlləri üzə çıxıb.

Sonxeber.az türk mediasına istinadən xəbər verir ki, fırıldaqçının tələsinə düşən qadın nişan günü evinə heç kim gəlmədiyi üçün narahat olub. Məsələ ilə əlaqədar aidiyyəti quruma əlaqə saxlayıb və aldığı cavab ilə şoka düşüb.

Yerli mətbuata açıqlama verən qadın belə bir hadisənin başına gələ biləcəyini təxmin etmədiyini bildirib:

"Bu əməllər şeytanın belə ağına gəlməz. Necə bir insan olasan ki, vətən uğrunda şəhid olan bir insanın şəklindən istifadə edəsən. Bu insanlığa sığmayan bir hərəkətdir. Bu nə vicdansızlıq, nə əxlaqsızlıqdır? Bu üsulla kimisinin pullarını alıb, bəzilərini də aldadıb".

6 ay əvvəl sosial şəbəkədə tanış olduqlarını bildirən qadının sözlərinə görə, fırıldaqçı özünnü kapitan kimi təqdim edib:

"Söhbət etdik və yaxınlıq qurduq. Amma heç vaxt üzbəüz görüşməmişik. Hər gün 2-3 foto paylaşmağa başladı.Özünü elə göstərirdi ki, heş bir problem yox idi. Bu baxımdan belə olacağını düşünməmişdik. Həyat yoldaşına aliment borcu var imiş. Şəxsi hesablarını buna görə bağlayıb. Məndən isə pul istədi".

O, nişan günü evə heç kimin gəlmədiyi zaman aldadıldığını öyrənən zaman qurumlara müraciət edib:

"Şikayətimi bildirdim. Amma mənə silahlı qüvvələrdə belə bir adamın olmadığı və fotodakı şəxsin 2014-cü ildə şəhid olduğu deyildi. Tək zərərçəkən mən deyilən. Ö, özünü çox ağıllı hesab edir, amma mənimlə oynaya bilməz".

Telegramda izləyin