Soyuducunun arxasına düşən meyit 10 il sonra TAPILDI - FOTO+VİDEO

ABŞ-nin Ayova ştatında Konsil Bluffs şəhərdə 3 il əvvəl bağlanan supermarket binasında aparılan iş zamanı tapılan meyitin 10 il əvvəl yoxa çıxan işçiyə aid olduğu açıqlanıb.

Sonxeber.az xarici mənbəyə istinadən xəbər verir ki, fəhlələr artıq fəaliyyət göstərməyən supermarketin rəflərini və soyuducularını boşaldarkən meyit tapıblar. Lakin meyitin kimliyini, yaşı və cinsini o zaman müəyyən etmək mümkün olmayıb.

Aylarla davam edən araşdırma, meyit üzərində aparılan yarılma və DNT testi nəticəsində cəsədin 10 il əvvəl yoxa çıxan Larry Ely Murillo-Monkada adlı işçiyə aid olduğu məlum olub.

Ehtimal olunur ki, Murillo-Monkada supermarketdə soyuducuların üzərinə çıxıb. Lakin birdən-birə soyuducunun arxasına düşüb və soyuducu ilə yarım metr aralıda olan divar arasında ilişib qalıb.

Sözügedən şəxs yoxa çıxanda 25 yaşında idi. Polis araşdırma zamanı 2009-cu ildə fırtınanın olduğunu və şəxsin əşyalarını götürmədən itdiyini deyib. Cəsədin tapılmasından sonra aparılan araşdırma zamanı "No-Frills" şirkətinin keçmiş işçiləri anbar kimi də istifadə edilən soyuducuların üzərinə dincəlmək üçün çıxdıqlarını bildiriblər.

Telegramda izləyin