Təyyarə uçuşunu qaçıran qadın hava limanı işçilərini döydü

Çikaqo O'Hare hava limanında uçuşunu yarımçıq buraxan qəzəbli sərnişin Frontier Airlines işçilərinə hücum edib.

Sonxeber.az xarici mediaya istinadən xəbər verir ki, Çikaqonun O'Hare Beynəlxalq Hava Limanında uçuşunu qaçırdığını öyrənən qadın sərnişin əsəbiləşib və Frontier Airlines işçilərinə komputer monitoru atıb. Paylaşılan görüntülərdə qəzəbli qadının baqaj yoxlama masasına çıxaraq aviaşirkətin işçilərinə qışqırıb onları vurmağa başladığı görünür. İşçi onu arxadan itələdikdə qadın kompüter monitorunu götürərək işçinin üstünə atır və onun qarnına təpiklə vurur. Kadrlarda onun ikinci kompüteri götürərək yerə çırpması da görünür. Əsəbiləşən qadın daha sonra Frontier işçilərinə "Axmaq!" deyə qışqırır.

Polis WGN-TV-yə bildirib ki, 31 yaşlı naməlum qadın hava limanındakı sərnişinləri də vurub. Qadın daha sonra hava limanından qaçıb. O'Hare və Midway Beynəlxalq Hava Limanlarını idarə edən Çikaqo Aviasiya Departamenti hadisə ilə bağlı şərh verməkdən imtina edib.

Telegramda izləyin