Özünə "yaşam koçu" deyən də falçı ÇIXIR: "Mənim kimilər şeytana sərf etmir" - VİDEO

Falçı dələduzluğu Azərbaycanda geniş yayılmış və bir o qədər ciddiyə alınmayan mövcuddur. Bizim cəmiyyətin hər küncündə demək olar ki, bir falçı var. Bəziləri kartlarda, bəziləri isə qəhvə fincanının dibində gələcəyimizi oxumaqla məşğuldurlar. Bu işlə məşğul olanlar yalnız qəhvə fincanının dibinə baxmaqla qalmırlar. Onlara müraciət edənlərin bank hesablarına yaxşı baxış keçirirlər. Bəs bu gələcəyi görənlər öz xidmətlərinə nə qədər qiymət qoyurlar və nələr vəd edirlər?

Sonxeber.az xəbər verir ki, mövzu ilə bağlı "Apa TV"nin əməkdaşları maraqlı araşdırma aparıb:

"Əvvəlcə, ödəniş olunur. Sonra kiminsə şəkli "Whatsapp"da atılır. Zəng edirəm və baxıram. Zəngi onlayn şəkildə edirik. Qiyməti isə 20 manatdır. Cadunu təmizləmək 200 manatdır. Bu həftə içi endirim olduğuna görə, 150 manata edirik".

Bu ifadələri edən şəxs jurnalistlərlə özünü yaşam kouçu kimi təqdim edib:

"Mütləq şəkildə ev təmizlənməlidir. Hər şey ona görə baş verir. Mollamız çox savadlıdır. Siz evinizə cadu və şeytanın girməməsi üçün işlər görür və Quran kitabı ilə edir. Mən hamının üzərindən cadunu təmizləyirəm. Mənim kimilər insanlar şeytana sərf etmir. O, pislik edir və mən onları təmizləyirəm. Mənə heç bir şeytan toxuna bilmir və qorxurlar. Şamlar müxtəlifdir. Qiymətlər isə 50-80 manat aralığındadır".

Bir sözlə insanlar falçıların sözlərinə inanaraq minlərlə manat ödəyir. Nəticədə isə heç nə dəyişmir. Hər dəfə falçıya gedəndə düşünürlər ki, bəlkə bu dəfə həyatları dəyişəcək. Amma dəyişən maddi vəziyyətlərindəki azalma olur.

Ətraflı "Apa TV"nin süjetində:

Telegramda izləyin