FACİƏVİ SON: Olimpiya iştirakçısı yemək yeyərkən boğularaq ÖLDÜ

Venesuelalı keçmiş olimpiya velosipedçisi Daniela Larreal Çirinos 50 yaşında vəfat edib.

Sonxeber.az xarici mənbəyə istinadən xəbər verir ki, Larreal Las-Veqasdakı evində ölü tapılıb. İlkin ehtimallara görə, onun yemək yeyərkən boğularaq vəfat etdiyi ehtimal olunur.

Hadisə Larrealın işlədiyi otelə işə gəlmədiyi vaxt olub. Belə ki, narahat olan həmkarları səlahiyyətlilərə xəbərdarlıq edib. Araşdırma zamanı idmançının nəfəs borusunda yemək parçaları olduğu və boğularaq öldüyü təxmin edilir. Lakin Las-Veqas polisi ölümün rəsmi səbəbini hələ açıqlamayıb.

Larreal karyerası ərzində beş Olimpiya Oyunlarında iştirak edib: Barselona 1992, Atlanta 1996, Sidney 2000, Afina 2004 və London 2012. O, velosiped idmanının sprint fənləri üzrə ixtisaslaşıb. Olimpiadada medal qazanmasa da, Cənubi Amerika oyunlarında, Panamerika yarışlarında və Velosiped üzrə Dünya Kuboklarında müxtəlif medallar qazanıb.

Telegramda izləyin