Ustaların adı qabları misilsiz gözəlliyə çevirdikləri SƏNƏT - VİDEO

"Xalqımız əsrlər boyu bu qədim sənəti inkişaf etdirib. Sənətkarlar qablar üzərində solmaz çiçəklərin rəsmini çəkir, milli formalı gözəl əsərlər yaradırdılar. Milli yeməklərimizdən biri olan piti üçün hazırlanan küpə... Bu artıq sirr deyil. Küpələrdə hazırlanan piti adı qazanda bişiriləndən qat-qat ləzzətli və dadlı olur".

Sonxeber.az xəbər verir ki, bu barədə AzTV-nin "Qızıl Fond"unda qorunan 1980-ci illərə aid arxiv materialında bildirilib. Kadrlardan bəllidir ki, usta sənətkarlar ən adi əşyalara belə əsl gözəllik verməyi bacarırdılar. Elə buna görə də bu sənət indiyə qədər xalq arasında qalıb:

"Bu sənət sevilə-sevilə inkişaf etdirilir. Lakin keçmiş həmişə öz yerini yeniliyə verir. Çini qablar zavodu bir neçə ildir açılıb. Özü cavan olduğu kimi ustaların əksəriyyətini burada cavanlar təşkil edir. Bu qabları zavoda Çexoslovakiya sifariş edib. Əlbəttə ki, Avropanı çini qablarla heyrətə gətirmək mümkün deyil. Lakin misilsiz Azərbaycan milli naxışları, miniatür ənənələrini davam etdirən ornamentlərlə bəzədilmiş çini qablar adamı heyran edir. Zavodun buraxdığı qablardan çoxu dövlət qeydiyyat nişanına layiq görülüb".

Ətraflı videomaterialı təqdim edirik:

Telegramda izləyin