Faiq Yusifov küçəsində sakinlər iki gündür İŞIQSIZ QALIB - ŞİKAYƏT

Nərimanov rayonu, Faiq Yusifov 79 küçəsində yerləşən "Rahatlığın Məkanı Gold" yaşayış kompleksində iki gündür işıqlar davamlı olaraq kəsilir.

Bununla bağlı sakinlər Sonxeber.az-a müraciət edib:

"Mən hadisə yerinə getmişdim. Qurumlar məsuliyyəti bir-birinin üzərinə atır. Qaz idarəsinin işçiləri deyir ki, biz bacarmırıq və düzəldə bilmərik. Dedilər ki, məhkəməyə müraciət etsinlər".

Məsələ ilə bağlı "Azərişıq" ASC - nin mətbuat xidməti ilə əlaqə saxladıq. Qurumdan bildirildi ki, xətlər "Azəriqaz"ın əməkdaşları tərəfindən zədələnib. Sözügedən yaşayış kompleksinin xətləri "Azərişıq" ASC - nin deyil, MTK-nın balansındadır. Problemi isə MTK rəhbərliyi və "Azəriqaz" tərəfindən birlikdə həll etməlidir.

Sakinlər isə deyir ki, onlar pulu "Azərişıq"a ödəyir. "Azəriqaz" və MTK-ya yox.

Telegramda izləyin