Hamı yatarkən məhəllədə xaos yaratdılar - Bıçaqlı dava

Esenlerdə gecə saatlarında küçədə iki şübhəli ilə məhəllə sakinləri arasında qanlı dava düşüb.

Sonxeber.az türk mediasına istinadən xəbər verir ki, gecə saatlarında küçədə qışqıraraq gəzən iki nəfər ətrafdakı zibil qablarına və nəqliyyat vasitələrinə ziyan vurub. Onlar evlərin qapılarını təpiklə vuraraq məhəllə sakinlərinə narahatlıq verib.

Vəziyyətə reaksiya verən məhəllə sakinləri ilə şübhəlilər arasında mübahisə yaranıb.

Mübahisə zamanı məhəllə sakini bıçaqla şübhəlilərdən birinə hücum edib. O yerə yıxdığı şəxsi dəfələrlə bıçaqlamağa çalışıb. Digər qonşuların müdaxiləsi ilə bıçaq onun əlindən alınıb.

Xoşbəxtlikdən mübahisə zamanı ciddi xəsarət alan olmayıb. Şübhəlilər hadisə yerindən qaçıblar.

Məhəllə sakinləri polisə müraciət edib. Şübhəlilərin saxlanılması üçün araşdırma başladılıb.

Telegramda izləyin