7 uşaq məktəbdə cinsi istismara məruz qalıb

Silivridə uyğur türklərinin oxuduğu məktəbdə 4-12 yaş arası 7 uşağın məktəbin işçisi Kadir A. tərəfindən cinsi istismara məruz qaldığı məlum olub.

Sonxeber.az türk mediasına istinadən xəbər verir ki, valideyinlərin şikayəti üzrə Kadir A. saxlanılaraq istintaqa cəlb edilib.

Şübhəli Kadir A-nın "uşağa qarşı cinsi zorakılıq, zor tətbiq etmək və hədə-qorxu ilə şəxsi azadlıqdan məhrum etmə" cinayətlərinə görə cəzalandırılması tələb edilib.

Jurnalistlər qeyd ediblər ki, Silivridəki təhsil mərkəzinə açıqlama üçün nə qədər zəng etsələr də, heç bir cavab ala bilməyiblər.

Prokurorluq ittiham aktında qeyd edib ki, şübhəlinin cinayətdən və cəzadan yayınmağa yönəlmiş təkzib ifadələri nəzərə alınmayıb.

Şübhəlinin zəncirvari cinayətlər törətdiyini bildirən ittihamnamə ilə bağlı ilk məhkəmə iclası oktyabrın 24-də Silivri 2-ci Ağır Cəza Məhkəməsində keçiriləcək.

Qeyd edək ki, məktəb 2014-cü ildə Silivrinin Selimpaşa rayonunda 4 min 835 kvadratmetr sahədə tikilib. Fəaliyyətinə 4 sinifdə 30 şagirdlə başlayıb. Bu gün məktəbdə tikinti sahəsi 8550 metr olan iki ayrı bina və 300-dən çox şagird var.

Telegramda izləyin