Boy balaca, xəyallar böyük fiziki məhdudiyyətli Ülviyyə Qarayeva - VİDEO

Arzularını rəqslə ifadə edən Ülviyyə Qarayeva... O arzularının arxasınca gedərək onları reallaşdırmağı bacarıb.

Sonxeber.az xəbər verir ki, Ülviyyə Qarayeva Astar TV-nin suallarını cavablandırıb:

"25 yaşım var və Qazaxda anadan olmuşam. Səhhətimlə əlaqələr məktəbə 10 yaşımda getmişəm. Azərbaycan Dövlət Mədəniyyət və İncəsənət Universitetində aktyor təhsili üzrə məzun olmuşam. Rəqslə məşğulam. Xüsusən hind rəqslərini daha çox sevirəm. Boyum balaca olmağına baxmayaraq rəqslərim ilə sevilirəm. Bundan sonra rəqslərimi mütəmadi olaraq davam etdirmək istədim. Valideynlərim daim mənə dəstək oldu. Amma ilk bu sənəti seçəndə valideynlərim razı olmadı. Çünki çox çətin sənətdir və boyum balaca idi. Amma mən özümü başqa sahədə görə bilmədim".

Ülviyyə Qarayevanın sözlərinə görə fərqliliyin başqa gözəllikləri var. Həyata isə başqa istiqamətlərdən baxsaq daha yaxşı olar:

"Eyni xətt üzrə baxdıqda tamaşaçının gözü yorulur. Fərqli nəsə görəndə insanın həyata olan baxışı dəyişir. Aktyor və rəqs baxımında bir çox yerlərdə çıxışlarım olub. Əvvəllər boyu balaca olanlara insanlar qəribə baxırdılar. 2017-2018-ci illərdə həmin qəribə baxışlar mənim üzərimdə idi. Amma indi isə o baxışlar dəyişməyə başlayıb. Bizim digər insanlardan fərqimiz yoxdur. Hər insan fərqliliyindən asılı olmayaraq uğur əldə edə bilər".

Ətraflı videomaterialı təqdim edirik:

Telegramda izləyin