Öz evlərini məktəbə çevirmişdilər... - Ağır dövrlərdən keçən təhsil ocağının HEKAYƏSİ- VİDEO

Məktəbə ilk addımlarını atan 12 balaca... Onlar təhsil alacaqları yerin tarixini bəlkə də bir neçə il sonra daha yaxşı anlayacaqlar. Söhbət əvvəlcə bir ailənin evindən başlayıb daha sonra məktəbə çevrilən Zəngilan rayonu 4 nömrəli ümumi orta məktəbdən gedir.

Zəngilandan Bakıya ailəsi ilə birlikdə məcburi köçkün kimi gələn Xanməmməd Xanməmmədov yerləşdiyi məhəllədə təhsil müəssisəsi olmadığından ətrafındakı uşaqları toplayaraq dərs keçməyə başlayıb.

İki il davam edən prosesdən sonra dünyaca məşhur fotoqraf Reza Deqati ilə tanışlıq baş tutur. Sonxeber.az xəbər verir ki, dünyaca məşhur fotoqraf Reza Deqati Aztv-yə açıqlama verib:

"Bu ailə ilə tanış oldum. Parisə gedəndə dedim ki, Xanməmməd ürəyim istəyir ki uşaqlara bir məktəb açaq. O vaxtdan buraya qayıtdım. Məktəbin bir azını düzəltdim".

Beləcə 1995-ci ildə 4 nömrəli ümumi orta məktəb 25 şagirdlə fəaliyyətə başlayıb.

Ətraflı Aztv-nin süjetində:

Telegramda izləyin