Pezeşkian: Əxlaq polisi qadınları NARAHAT ETMƏYƏCƏK

Bildiyimiz kimİ, 2022-ci il sentyabrın 17-də İranda məcburi hicab qaydasını pozduğuna görə saxlanılan 22 yaşlı Məhsa Əmininin ölümündən sonra ölkədə kütləvi etiraz aksiyaları keçirildi. Etiraz aksiyalarından sonra Tehranda hicab qaydalarına əməl etməyənlərin sayının artması diqqət çəkir.

Sonxeber.az xarici mənbəyə istinadən xəbər verir ki, məsələ ilə bağlı İranın yeni seçilmiş prezidenti Məsud Pezeşkiandan diqqətçəkən açıqlama gəlib. Seçkidə qalib gəldikdən sonra ilk dəfə kameralar qarşısına keçən Pezeşkian qadın jurnalistin suallarını cavablandırıb. Jurnalist polislər lə qarşılaşmamaq üçün yolunu dəyişdirib. Pezeşkian polisin hələ də küçələrdə olub-olmadığını soruşub.

Jurnalist isə "Bəli onlar hələ də küçələrdədi və nəzarət edirlər"-deyə, cavab verib. Qadın jurnalistin cavabından sonra Pezeşkian bildirib ki, əxlaq polisləri qadınlara qarışmamalıdır:

"Əxlaq polisi (qadınlara) qarışmamalıdır. Mən vəziyyətə nəzarət edəcəm ki, onlar qadınları narahat etməsinlər".

Qeyd edək ki, Pezeşkian əxlaq polisinin patrul fəaliyyətinə qarşı çıxacağını demişdi. Məsud Pezeşkianın seçki vədlərindən biri ölkədə davam edən internet məhdudiyyətlərinin aradan qaldırılması olub. Prezidentin mətbuat konfransında bəzi qadın jurnalistlərin hicablarını sərbəst bağlaması İranın yeni hökumətinin bununla bağlı müəyyən addımlar atacağı anlamına gələ bilər.

Telegramda izləyin