Mağazalar bu səbəbdən müştəriyə ƏDV çeklərini QAYTARMIR - AÇIQLAMA

Bir müddətdir mağazalarda ƏDV çeklərinin müştərilərə qaytarılması ilə bağlı problemlər yaşanır. Xüsusilə bu apteklərdə və geyim mağazalarında rast gəlinir. Məhsulların QR kodu "scan" etmək, bəzən isə "fiscal" kodunu oxutmaq mümkün olmur. Digər tərəfdən müştəriyə ƏDV çekləri qaytarılmır. İctimai -iaşə obyektləri niyə bu çekləri müştəriyə verməkdə maraqlı deyil?

Mövzu ilə bağlı Sonxeber.az-a danışan iqtisadçı ekspert Xalid Kərimli deyib ki, çeklərin müştərilərə verilməməsi isə fərqli məsələdir. Birinci məqam texniki məsələdir. Qəbzi oxunub-oxunmamağından asılı olmayaraq, o avtomatik olaraq sistemə qeydiyyata düşür:

"Qəbz verməkdən yayınma isə həmin təsərrüfat subyektinin vergidən yayınması və nağd ödənişləri almaq istəyindən formalaşır. Pos-terminal yaxud nəzəri kassa aparatlarında ödənişlər olanda dövriyyə şəffaflaşır. Dövriyyəni gizlətmək olmur. Həmin sahibkar məcburdur ki, dövriyyə üçün vergi versin. Həmin sahibkar mikkro sahibkardırsa sadələşmiş verginin dövriyyəsindən çıxıb daha böyük vergi öhdəlikləri çıxa bilir. Burada sırf vergidən yayınma cəhdi var. İkinci məqam isə ödənişi pos-terminal ilə ödəyəndə həmin pulu sahibkar komissiyası ödəyir. Həmin pulun komissiyası sahibkardan tutulur. Təqribən 1.5 faiz dəyərində xərc var".

Ekspertin sözlərinə görə, Sahibkar ödəniş növündən asılı olmayaraq 1.5 faiz pul itirir. Bu da onu vermək istəmir. Sahibkarın xərclərinin bir hissəsi isə nağddır:

"Bankda limit mövcuddur. Fiziki şəxs olan sahibkara 15 min manat, hüquqi şəxs olan sahibkar isə 30 min manat pul nağdlaşdıra bilir. Nağdlaşdırma zamanı əlavə bir faiz sadələşmiş vergi verirlər. Digər tərəfdən bankdan asılı olaraq 0.5-1 faiz nağdlaşdırma komissiyası olur. Sahibkar əlavə xərclər ilə qarşılaşır. Vergidən yayınma halları aşağı düşəndə bu məsələ aradan qaldıracaq. Bütün bu proseslər ilə qiymətlərin artmasına səbəb olacaq. Biz elə düşünməyək ki, biz pul ödədikcə sahibkar öz cibindən verəcək. Bu qiymət artımına səbəb olacaq. Bazarda satılan məhsulun qiyməti ilə mağazada satılan məhsulun qiymətində fərq olur. Bunun əsas səbəbi vergidən yayınmanın olmasıdır. Hökumət "ƏDV geri al" layihəsi ilə vətəndaşı prosesə ona görə cəlb edir ki, vətəndaş özü də bu çeklərin alınmasında maraqlı olsun".

Sevda Səfərova

Telegramda izləyin

instagramda izləyin