Mükafat gecəsindən çıxıb bazara getdi

Şou-biznes məşhurlarının gündəlik həyatı haqqında yəqin ki, hər kəsin müəyyən təsəvvürü var. Göz qamaşdıran evlərdə yaşayırlar, bahalı paltarlar geyinirlər, lüks avtomobillər sürürlər. Evdə əllərini soyuq sudan isti suya salmazlar. Çünki onların ətrafında bütün işlərini görən çoxlu işçilər var və.s Bunlar təbii ki, müəyyən nöqtəyə qədər doğrudur. Amma bəzən paparazzilər izlədikləri məşhurları ağıllarına belə gəlməyəcək situasiyalarda görürlər.

Sonxeber.az xarici mediaya istinadən xəbər verir ki, bir gün əvvəl televiziya dünyasının məşhurlarını bir araya gətirən mükafatlandırma mərasimində qırmızı xalça üzərinə olduqca qəşəng bir şəkildə çıxan aktrisa ertəsi gün məhəlləsindəki bazardan tərəvəz-meyvə alarkən görüntülənib.

Bu məşhur kimdir?

Təbii ki, üç Oskar da daxil olmaqla çox böyük bir mükafat kolleksiyası olan Meryl Streep! 75 yaşlı məşhur aktrisa ötən bazar günü keçirilən Emmi Mükafatlarının təqdimetmə mərasimində çəhrayı paltarı ilə sözün əsl mənasında göz oxşayıb.

Mərasim bitdikdən bir gün sonra aktrisa Los-Ancelesdəki ərzaq mağazasında evi üçün tərəvəz və meyvə seçərkən görüntülənib.

Daha doğrusu, əvvəlcə onu addım-addım izləyən paparassilərdən başqa heç kim tanımayıb. Ağ şalvar, açıq rəngli köynək geyinən Strip stilini bej rəngli jaketlə tamamlayıb.
Strip sadəcə saçını arxadan yığıb, eynəyini taxıb və üzünə heç makiyaj etməyib.

Paparazzilərin onu çəkməsinə əhəmiyyət verməyən Strip üzündəki ciddi ifadəni dəyişmədən alış-verişini tamamlayıb, maşınına minərək evə yollanıb.

Telegramda izləyin