"Memi"lərdən paltar almaq olarmı? - AÇIQLAMA

Son günlər sosial şəbəkələrdə ikinci əl geyimlərin satışını edən səhifələr tez-tez qarşımıza çıxır. Bundan başqa, dünyanın bir çox yerində olduğu kimi, ölkəmizdə də ikinci əl geyimlərin satışını edən "Memi" mağazaları da geniş yayılıb. Belə ki, bu mağazalarda dünya brendlərinə məxsus ikinci əl geyimlər öz qiymətlərindən dəfələrlə ucuz satılır. Bu mağazalarda geyimlə bərabər, çanta və ayaqqabı satışı da təşkil olunur.

Bəs görəsən ikinci əl geyimlərdən istifadə dərəcədə doğrudur ?

Mövzu ilə bağlı Sonxeber.az – a açıqlama verən Azad İstehlakçılar Birliyinin sədri Eyyub Hüseynov bildirib ki, ikinci əl geyimlər müxtəlif dəri xəstəliklərinə, alergiyalara səbəb ola bilər:

"İkinci əl mallar dünyada böyük istehlakçı problemidir. Bu cür malllar alındıqda onu qaytarmaq, dəyişdirmək çətin olur. Çünki istehlakçı şüurlu surətdə bu malı alır. Bu malları xaricdə hər şənbə və bazar günü bələdiyyənin ayırdığı bir yerə qoyurlar. Orda kimlər istəsə məhsulları havayı aparır. Qalanlarını isə axşam bələdiyyə əməkdaşları utilizasiya müəissiələrinə verir. Bəzi ölkələrdən biznesmenlər həmin utilizasiya müəissiələri ilə müqavilə bağlayır və həmin malları gətirir ölkəsinə, o cümlədən, Azərbaycana. Bu mallar Azərbaycana gələndə "Memi"lərdə alındığı qiymətdən 10-15 dəfə baha satılır. Çünki onlar xaricdən kiloqramla alınır, burda isə ədədlə satılır. Bizim apardığımız araşdırma göstərir ki, 5 yaşından kiçik uşaqlara ikinci əl paltar geyindirmək olmaz. Xaricdə təmizlənmə işi güya keçirilir. Lakin gərək alıcılar da malları aldıqdan sonra onları dezinfeksiya edib, sonra istifadə etsinlər. Belə malları almağı biz ümumiyyətlə məsləhət görmürk. Bunlar müxtəlif dəri xəstəliklərinə, alergiyalara səbəb ola bilər, ölmüş insanların paltarları ola bilər və.s. İnsanlar ikinci əl paltarları alanda diqqətli olmalıdır. Əgər istehlakçı hüquqları pozularsa, 195 qaynar xətti ilə İqtisadiyyat Nazirliyinə məlumat vermələrini tövsiyyə edirik".

Sözügedən mağazalara necə nəzarət olunur ?

"2016-cı ildə Nazirlər Kabinetində "Baytarlıq, fitosanitar və sanitariya nəzarətinə aid malların Vahid Siyahısı" təsdiqlənib. Lakin bu siyahıya geyilmiş paltarlar daxil edilməyib".

Çiçək Sadatova

Telegramda izləyin