Marketə alış-verişə girdi, uçan binanın altında qaldı

Türkiyədə marketə alış-verişə gedən şəxs uçan binanın dağıntıları altında qalıb.

Sonxeber.az türk mediasına istinadən xəbər verir ki, hadisə saat 13:00 radələrində Barış küçəsində baş verib. Üst mərtəbəsi anbar kimi istifadə edilən Şaban Yılmaza məxsus bina ərazidə gedən qazıntı zamanı qəfil uçub. Bu arada yandakı marketə daxil olan şəxs dağıntılar altında qalıb.

Hadisə yerinə polis, təcili tibbi yardım və xilasedicilər cəlb edilib.

Xilasedicilər sayəsində dağıntılar altından çıxarılan şəxs xəstəxanaya aparılıb. Müalicə olunan yaralının səhhətinin yaxşı olduğu bildirilir.

Hadisə ilə bağlı araşdırma başladılıb.

Telegramda izləyin