Sahildə oynayan uşaq faciəvi şəkildə öldü

Antalyanın Kumluca rayonunda dəniz kənarında sahildə oynayan uşaq qum təpəsinin altında qalaraq ölüb.

Sonxeber.az türk mediasına istinadən xəbər verir ki, 8 yaşlı Ezgi Yavuz və Ahmet Serdar sahildə dalğaların əmələ gətirdiyi qum təpəsinin yanında oynamağa başlayıblar. Bir müddət sonra uşaqlar yuvarlanan qum təpəsinin altında qalıblar.

Ətrafdakılar uşaqları qumdan çıxarıb və vəziyyəti təcili tibbi yardıma bildiriblər.

Təcili tibbi yardım tərəfindən Kumluca Dövlət Xəstəxanasına aparılan uşaqlardan Ezgi Yavuzu xilas etmək mümkün olmayıb, Əhməd Serdarın isə müalicəsi davam edir.

Ezgi Yavuzun nəfəs borusuna qum girməsi nəticəsində dünyasını dəyişdiyi bildirilib.

Uşağın meyiti tibbi ekspertizanın araşdırmasından sonra ailəsinə təhvil verilib.

Telegramda izləyin