Nişanlısını silahla ağır yaraladı, sonra intihar etdi

Kırıkkaledə nişanlısı Esra E. ilə mübahisə edən Bahattin Ünlüer onu silahla ağır yaralayıb.

Sonxeber.az türk mediasına istinadən xəbər verir ki, hadisə axşam saatlarında Çalılıöz məhəlləsində, 466-cı küçədə yerləşən 3 mərtəbəli yaşayış binasının birinci mərtəbəsində baş verib. Bahattin Ünlüer evinə getdiyi nişanlısı Esra E. ilə mübahisə etməyə başlayıb. Mübahisə getdikcə böyüyüb və bu zaman Bahattin Ünlüer üzərində olan silahla Esra E.-ni ağır yaralayıb. Ünlüer hadisə yerinin yaxınlığındakı taksini oğurlayaraq qaçıb. Məlumat üzərinə əraziyə təcili tibbi yardım və polis cəlb edilib. Yaralı qadın təcili tibbi yardım əməkdaşlarının ilk müdaxiləsindən sonra xəstəxanaya aparılıb. Qadının vəziyyətinin ağır olduğu bildirilib.

Polis hadisə yerindən qaçan şübhəlinin oğurladığı taksinin yerini müəyyən edib. Şübhəli bir müddət sonra izləndiyini anlayıb və taksidən düşərək piyada qaçmağa başlayıb. O Parka çatıb və silahı başına dayayaraq atəş açıb. Təcili tibbi yardımla xəstəxanaya aparılan Bahattin Ünlüer həkimlərin bütün müdaxiləsinə baxmayaraq dünyasını dəyişib.

Hadisə ilə bağlı başladılan istintaq davam edir.

Telegramda izləyin