Məşhur model getdiyi partidən sonra ölü tapıldı

Mayamidə 31 yaşlı braziliyalı model Adriana Vieyra getdiyi yaxta partisindən sonra faciəvi şəkildə dünyasını dəyişib.

Sonxeber.az xarici mediaya istinadən xəbər verir ki, partidən bir gün sonra qadının cansız bədəni Mayami limanında tapıldı. Yerli media Adriananın sonuncu dəfə gecə çimərkən görüldüyünü yazıb.

Adriananın anası qızının ölümünün təfərrüatlı araşdırılmasını və meyitinin Braziliyaya gətirilməsi üçün kömək istəyib.

Adriananın 6 yaşlı oğlu var idi. İki il əvvəl əri ilə birlikdə Floridaya köçən model tezliklə ərindən ayrılıb və uşağı ilə tək qalıb.

Polis hadisəni araşdırır və ölümün səbəbini müəyyən etmək üçün tibbi ekspertiza rəyi gözlənilir. Partinin keçirildiyi yaxtanın sahibinin adı hələlik açıqlanmayıb.

Telegramda izləyin