Boşandığı arvadını küçədə güllələyib qaçdı

Aydının Didim rayonunda Sibel Ayqan (34) küçənin ortasında mübahisə etdiyi keçmiş əri Mustafa Yıldırım tərəfindən silahla öldürülüb.

Sonxeber.az türk mediasına istinadən xəbər verir ki, hadisə saat 09.30 radələrində Zeybek küçəsində baş verib. Bir müddət əvvəl boşanan Sibel Ayqan evdən çıxarkən keçmiş əri Mustafa Yıldırımı qarşısında görüb. Naməlum səbəbdən tərəflər arasında mübahisə yaranıb.

Mübahisə zamanı Yıldırım yanında olan silahı çıxararaq Sibel Ayqana atəş açaraq qaçıb. Ətrafdakıların məlumatı üzərinə hadisə yerinə təcili tibbi yardım və polis cəlb edilib. Həkimlərin ilk müdaxiləsindən sonra xəstəxanaya çatdırılan Sibel Ayganı bütün müdaxilələrə baxmayaraq xilas etmək mümkün olmayıb.

Hadisə ilə bağlı araşdırmaya başlayan polis Mustafa Yıldırımın Muğlanın Milas rayonuna qaçdığını müəyyən edib. Yıldırım Milasda saxlanılıb.

Hadisə ilə bağlı istintaqın davam etdiyi bildirilib.

Telegramda izləyin