Bu şagirdlərə dövlət təqaüdü verilə bilər - AÇIQLAMA

Ali məktəblərdə tələbələrin bal ortalamasına görə müəyyən məbləğlərdə təqaüd verilir. Bəs bunun məktəblərdə də tətbiq olunması ilə bağlı addımlar atıla bilərmi? Əlaçı şagirdlərə ən azı 50 manat civarında təqaüdün verilməsi gözlənilir?

Mövzu ilə bağlı Sonxeber.az-a təhsil eksperti Rizvan Fikrətoğlu danışdı.

Ekspert açıqlamasında bununla bağlı rəsmi məlumat olmadığını,amma belə addım atılmasının tərəfdarı olduğunu qeyd etdi.

"Ümumiyyətlə, tələbələrə nəinki bal ortalamasına görə, "adi", "zərbəçi", "əlaçı" təqaüdlərinin verilməsinin, hətta digər təqaüdlərin də verilməsinin tərəfdarıyam. Əlavə təqaüdlərin olması tələbələrin stimullaşdırılması,dərsə həvəsinin artırılması baxımından olduqca önəmlidir. Orta məktəblərdə isə qeyd etdiyiniz məsələlərin tətbiqi çox gözəl olardı. Bir ara var idi, bəzi məktəblərdə olurdu ki, hansısa tanınmış iş adamı öz adındandan 6 aylıq, 1 illik müəyyən meyarlar nəzərə alınaraq təqaüdlərin verilməsi prosesi olub. Dövlət tərəfindən bu işin baş tutmasına marağın olması daha yaxşı olar. Məsələn hər təhsil ocağında, məktəb uşaqlarının sayına uyğun olaraq müəyyən qədər, bir neçə şagirdə təqaüdün verilməsi yaxşı olardı. Bununla bağlı rəsmi məlumatla qarşılaşmamışam, amma qeyd etdiyim kimi bunubla bağlı addımın atılması olduqca yaxşı olardı. Mən burada investr adamlarını, biznesmenlərə də səslənmək olar ki, onlar belə təqaüdlərin verilməsinə maraqlı olsunlar. Həmçinin sosial təşəbbüs deyilən, bütün qrumların üzərinə düşən bir layihə var. Yəni, qazancının müəyyən hissəsini xeyriyə məqsədi ilə yatırırlar. Bu istiqamətdə də müəyyən qrumlar, şirkətlər, təşkilatlar, İctimai birliklər, kommersiya təşkilatları vəs. belə addımlar ata bilər və bu çox yaxşı olar".

Vüsalə İbrahimli

Telegramda izləyin