Ayağında yaranan qırmızı ləkənin səbəbini öyrənən qadın həyatının şokunu yaşadı

Böyük Britaniyada yaşayan 27 yaşlı Jessica Hamersley, ayağındakı qırmızı ləkənin xərçəng əlaməti olduğunu öyrənəndə şoka düşüb.

Sonxeber.az xarici mediaya istinadən xəbər verir ki, Cessika Hamersli təxminən bir il ayağındakı qırmızı ləkəyə məhəl qoymayıb, bunun ekzema olduğunu düşünüb. Hətta o, ləkənin ətirli nəmləndirici kremdən qaynaqlandığını düşünüb. Nəhayət nişanlısının təkidi ilə həkimə müraciət edən gənc qadına Hodgkin lenfoma adlı xərçəng növü diaqnozu qoyulub.

Hodgkin lenfoması, immunitet sisteminin bir hissəsi olan limfositlər adlanan ağ qan hüceyrələrindən yaranan limfa toxumasının xərçəngidir.

Xəstəliyin fərqinə varma prosesindən danışan Hamersli: "Düzünü desəm, bu ləkənin ciddi bir xəstəliyin əlaməti olduğunu heç düşünməmişdim. Bunun ətirli nəmləndiricilərə görə olduğunu düşünürdüm, hətta nişanlım bunun doğuma nəzarət həblərindən olduğunu düşündü. Çünki siqaret çəkmirəm və nadir hallarda spirtli içki qəbul edirəm. Fikirləşirdim ki, mən niyə sağlam olmamalıyam?" , - deyə bildirib.

Çətin müalicə prosesindən uğurla çıxan 27 yaşlı qadın xərçəngə qalib gəldiyi üçün çox xoşbəxt olduğunu da qeyd edib.

Telegramda izləyin