"Mübahisə edərkən üzümə tüpürdü deyə qızımı öldürdüm" canlı efirdə qətl etirafı

Türkiyənin ATV kanalında həftənin hər günü izləyiciləri ilə görüşən Esra Erol proqramının son bölümü özündən 34 yaş kiçik həyat yoldaşını axtarmağa gələn Əli Rıza bəyin qətl etirafı ilə yadda qalıb.

Sonxeber.az türk mediasına istinadən xəbər verir ki, Əli Rıza bəy: "Neçə uşağınız var?" sualına "5 uşağım var idi. Birini öldürdüm" deyə cavab verib. Esra Erol: "Uşağınızı öldürmə səbəbiniz nə idi?" – deyə soruşub. Əli Rıza bəy bu suala "Özündən yaşca çox böyük adamla evlənmək istəyirdi. Razı olmadım. Mübahisə edərkən üzümə tüpürdü, bundan sonra nə oldu, bilmirəm. Hərşey çox ani oldu" deyə cavab verib. Esra Erol qızını öldürdüyünü etiraf edən Əli Rıza bəyə "Öz canına, öz övladına acımayan başqasına acıyarmı? Deyəcək bir şey yoxdur" sözləri ilə reaksiya verib.

Əli Rıza bəy digər övladlarının onunla görüşmədiyini deyəndə Esra Erol "Sənin kimi atam olsaydı mən də ona baxmazdım, həyatımda istəməzdim. Mənim belə bir atam olduğunu deməyə belə utanardım. Uşaqlar çox düz edirlər" deyə cavab verib.

Əli Rıza bəyin özündən çox kiçik həyat yoldaşını axtarmağa gəlməsi ilə bağlı Esra Erol: "Məni maraqlandıran odur ki, qızının özündən böyük biri ilə evlənməsini qəbul edə bilməyən adam indi milyonların qarşısına çıxıb və özündən çox kiçik həyat yoldaşını axtarır" deyib.

Telegramda izləyin