Məşhur futbolçu keçmiş həyat yoldaşının paylaşımından qızının atası olmadığını öyrənib

Braziliyalı futbolçu Vinisius Tobiasın başına gələn hadisə idman aləmində böyük əks-səda doğurub. Tobias və keçmiş həyat yoldaşı İnqrid Limanın oktyabrın əvvəlində Maite adlı bir qızı var idi. Özünü xoşbəxt ata hesab edən Tobias körpənin doğulmasını qeyd etmək üçün qoluna "Maite, mən səni sevirəm" yazılmış döymə etdirib.

Sonxeber.az xarici mediaya istinadən xəbər verir ki, hadisələr gözlənilmədən inkişaf etdi. Günlər sonra DNT testi Tobiasın bioloji ata olmadığını ortaya qoydu. İnqrid, sosial mediada verdiyi açıqlamada, Maite hamilə olanda münasibətlərinin enişli-yoxuşlu olduğunu və hər ikisinin başqa insanlarla əlaqəsi olduğunu etiraf etdi.

Gənc yaşına baxmayaraq parlaq karyerası olan Tobias futbol aləmində tanınan isimdir. U15 Cənubi Amerika Çempionatında uğurlu çıxışı ilə diqqət çəkən futbolçu "Bavariya" və "Yuventus" kimi nəhəng klubların radarına düşüb. Daha sonra Donetsk "Şaxtyor"una transfer olunan Tobias da bir müddət "Real"ın formasını geyinib. Hazırda yenidən Ukrayna yığmasında çıxış edir.

Bu gözlənilməz hadisə müzakirələrə səbəb oldu. Tobiasın hələlik mövzu ilə bağlı açıqlama vermədiyi bildirilir. İdman ictimaiyyəti və azarkeşlər gənc futbolçunun bu vəziyyətdən necə çıxacağını səbirsizliklə gözləyir.

Vüsalə İbrahimli

Telegramda izləyin