Rayon xəstəxanalarının şəraitlərinin pis olmasının səbəbi nədir? – AÇIQLAMA

Regionlarda fəaliyyət göstərən ilkin tibbi xidmət göstərən məntəqələrin maddi-texniki bazası demək olar yoxdur, yaxud bərbad haldadır.

Bunu Milli Məclisin Səhiyyə komitəsinin sədri Əhliman Əmiraslanov parlamentin oktyabrın 18-də keçirilən plenar iclasında çıxışı zamanı deyib.

Bəs görəsən rayon xəstəxanaların imkan və şəraitlərin pis olmasının səbəbi nədir?

Mövzu ilə bağlı Sonxeber.az – a açıqlama verən tibbi ekspert Rasif Bağırov bildirib ki, buna səbəb mailiyyə problemləridir:

"Rayon xəstəxanalarında şərait və imkanlar yaxşı deyil. Bunun səbəbi mailiyyə problemləridir. Kifayət qədər vəsait ayrılmalıdır. Dəqiqləşdirilməlidir ki, niyə ayrılan vəsait gedib rayon xəstəxanalarına çatmır və ya çatır lakin onun istifadəsi məqsədyönlü şəkildə aparılmır. Belə olan halda da rayon xəstəxanalarında şərait və imkanlar yaxşı olmur. Xəstələrin yataq şəraiti, əməliyyat otaqları, aparaturaların vəziyyəti lazimi səviyyədə olmur. Bütün bunlar mailiyyə işi ilə məşğul olan səhiyyə sisteminin işçiləri tərəfindən yoxlanılıb dəqiqləşdirməlidir ki, ayrılan pullar hara xərclənir. Niyə rayonlarda xəstəxanalar həddindən artıq pis vəziyyətdədir. Düşünürəm ki, həkimlərin bu vəziyyətlə əlaqəsi yoxdur. Çünki onlar mövcud şərait nədirsə, orda da işini görür. Onların başqa imkanı yoxdur. Bütün bunlar mailiyyə sisteminə bağlıdır. Hesab edirəm ki, bu vəziyyətə nəzarətlər artırılmalıdır".

Çiçək Sadatova

Telegramda izləyin