O, anasını öldürərək intihar edib - VİDEO

Kastamonu İhsanqazi Yeni Məhəllə Əhməd Yəsəvi küçəsində baş verən hadisədə Özkan Gebeşoğlu və anası Şaizer Gebeşoğlundan xəbər ala bilməyən İstanbuldakı qohumları qonşularına zəng edərək evə baxış keçirmələrini istəyiblər.

Sonxeber.az xarici mediaya istinadən xəbər verir ki, evə gedən qonşular içəridən səs gəlməyincə vəziyyəti 112 Təcili Yardım Mərkəzinə bildiriblər. Xəbər üzərinə hadisə yerinə gələn polis qrupları, heç kimin qapını açmadığı halda yanğınsöndürən maşınının nərdivanının köməyi ilə pəncərədən evə daxil olub. İçəri girən polis qrupları ana və oğlunu güllə yaraları ilə ölü tapıblar.

Hadisə yerinin araşdırılması və dövlət ittihamçısı tərəfindən aparılan araşdırma zamanı Özkan Gebeşoğlunun anasını vurduqdan sonra eyni silahla intihar etdiyi müəyyən edilib. Müayinədən sonra ana və oğulun meyitləri morqa aparılıb. Digər tərəfdən, Özkan Gebeşoğlunun uzun müddətdir psixoloji problemləri olduğu öyrənilib.

Vüsalə İbrahimli

Telegramda izləyin