Əvvəlcə anasını öldürdü, sonra intihar etdi - ŞOK HADİSƏ

Kastamonu İhsanqazi rayonunda Özkan Gebeşoğlu adlı şəxs anasını ov tüfəngi ilə öldürüb sonra isə eyni silahla intihar edib.

Sonxeber.az türk mediasına istinadən xəbər verir ki, hadisə Əhməd Yəsəvi küçəsində yerləşən yaşayış binasında qeydə alınıb. İstanbuldakı qohumları uzun müddət ana Şaizer Gebeşoğlu və oğlu Özkan Gebeşoğlundan xəbər ala bilmədikləri üçün qonşularına zəng edərək vəziyyəti yoxlamağı xahiş ediblər. Evə gedən qonşular içəridən səs eşitməyəndə vəziyyəti 112 Təcili Yardım Mərkəzinə bildiriblər.

Hadisə yerinə gələn polis qrupları qapı açılmadığına görə pəncərədən içəri daxil olublar. İçəridə ana və oğlunun meyitləri tapılıb. İstintaqda Özkan Gebeşoğlunun anasını öldürdükdən sonra eyni tüfənglə intihar etdiyi müəyyən edilib. Onların meyitləri tibbi ekspertizaya aparılıb. Araşdırma zamanı Özkan Gebeşoğlunun uzun müddətdir psixoloji problemlərdən əziyyət çəkdiyi öyrənilib.

Faktla bağlı istintaq davam edir.

Telegramda izləyin