Azərbaycanda minatəmizləyənlərə güzəştli ipoteka kreditlərinin verilməsi təklif olunur

Milli Məclisin bu gün keçirilən plenar iclasında Minatəmizləmə Agentliyinin (ANAMA) əməkdaşlarına güzəşli ipoteka kreditlərinin verilməsi təklif olunub.

Sonxeber.az xəbər verir ki, bu təkliflə deputat Vüqar Bayramov çıxış edib.

"Son illər güzəştli şərtlərlə ipoteka krediti almaq hüququ olan şəxslərin siyahısı genişləndirilib. Təklif edirəm ki, minatəmizləyənlər də bu siyahıya əlavə edilsin, eyni zamanda onlara güzəştli şərtlərlə pensiya çıxmaq hüququ verilsin. Ölkə Prezidentinin dediyi kimi, Azərbaycan ərazilərindən minalardan təmizlənməsinə 25 milyard ABŞ dolları vəsait və 30 il zaman lazımdır", - deyə o qeyd edib.

Telegramda izləyin