Görkəmli şair Hüseyn Cavidin anadan olmasından 142 il ötür
Bu gün şair və dramaturq Hüseyn Cavidin doğum günüdür. Onun anadan olmasından 142 il ötür.
Hüseyn Abdulla oğlu Rasizadə 1882-ci ilin bu günü, yəni oktyabrın 24-də doğulub. O Naxçıvanın indiki Kəngərli Rayonunun Şahtaxtı kəndində ruhani ailəsində dünyaya göz açıb.
İbtidai təhsilini Naxçıvanda molla məktəbində, orta təhsilini M.T.Sidqinin "Məktəbi-tərbiyə" adlı yeni üsullu məktəbində alıb.
1899-1903-cü illərdə Cənubi Azərbaycanda olub, Təbrizin "Talibiyyə" mədrəsəsində təhsilini davam etdirib. 1909-cu ildə İstanbul Universitetinin ədəbiyyat şöbəsini bitirib, Naxçıvanda, sonra isə Gəncə və Tiflisdə, 1915-ci ildən isə Bakıda müəllimlik edib.
H.Cavid klassik Azərbaycan ədəbiyyatının ən yaxşı ənənələrini inkişaf etdirən sənətkarlardandır. O, XX əsr Azərbaycan mütərəqqi romantizminin banilərindən biri olub.
Azərbaycan ədəbiyyatında ilk mənzum faciə olan "Şeyx Sənan" (1914) əsərində xalqları bir-birinə qovuşdurmaq üçün ümumbəşəri din ideyasını ortaya atıb. Hüseyn Cavid bu dövrdə tədriclə "haq verilmir, alınır" ideyasına gəlib çıxıb.
20-30-cu illərdə Hüseyn Cavid bir sıra tarixi dramlar yazıb.
"Peyğəmbər" (1922) və "Topal Teymur" (1925) əsərlərindən sonra yazdığı "Səyavuş" (1933), "Xəyyam" (1935) əsərləri Hüseyn Cavidin tarixə, tarixi şəxsiyyətlərə baxışında ciddi dönüş olub.
Azərbaycan ədəbiyyatında romantizm ədəbi cərəyanının əsas nümayəndəsi olan Hüseyn Cavid milli romantik şeirin və mənzum faciənin banisidir. Onun ölməz sənəti dünya romantizminin üzvi tərkib hissəsidir.
Sovetlər Birliyində totalitarizmin dəhşətli dövründə Hüseyn Cavid sosializmin "nailiyyətlər"indən yazmağı özünə rəva bilməyib, Stalini, Azərbaycan ağalarını mədh etməkdən qətiyyətlə boyun qaçırıb. Ona görə də bu mətin şəxsiyyət Sibir buzlaqlarına, Maqadana sürgün edilib və 5 dekabr 1941-ci ildə İrkutsk vilayətinin Tayşet rayonunun Şevçenko kəndində həlak olub.
Qeyd edək ki, Hüseyn Cavidin anadan olmasının 100 illik yubileyi geniş qeyd olunub.
Yubiley ərəfəsində cənazəsinin qalıqları ümummilli lider Heydər Əliyevin təşəbbüsü ilə İrkutsk vilayətindən Naxçıvana gətirilib, ev-muzeyinin yaxınlığında dəfn edilib.
Naxçıvanda onun qəbri üstündə möhtəşəm məqbərə ucaldılıb. Bakı şəhərinin Yasamal rayonundakı Hüseyn Cavid prospekti onun adını daşıyır.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Tualet kağızı ilə ağcaqanadları evdən uzaqlaşdırmaq - sınaqdan keçirilmiş üsul
Yazda on minlərlə ilan bir anda yerin altından çıxır
Azərbaycanın ilk Milli Qəhrəmanları kimlərdir?
Toyda qeydə alınan görüntülər müzakirələrə səbəb oldu - VİDEO
Maqnit qasırğası Yeri bürüdü
Mərkəzi bank kredit götürmək qaydalarını dəyişir
Prezident İlham Əliyevdən şəhid hərbçilərlə bağlı SƏRƏNCAM
Azərbaycanda dəhşət: Keçmiş həyat yoldaşı bağça müdirini iş otağında bıçaqladı
Əməkdar artist xəstəxanaya yerləşdirildi - Əməliyyat olunacaq
Yolda gözlənilməz mənzərə: kapotdakı ilan diqqət mərkəzində - VİDEO
Səkkiz gün əvvəl qızıl medal qazanan cüdoçumuz dünyasını dəyişdi
"Bu səhvim məni 700 baldan ayırdı" - Aysu Əliyeva
İlham Əliyev Silahlı Qüvvələr Günü münasibətilə paylaşım edib
Bakıya leysan yağacaq - XƏBƏRDARLIQ
Olimpiya çempionumuzdan sürpriz addım: Hidayət Heydərov Çində fərqli çəkidə tatamiyə çıxacaq