Xoruza görə qonşularını məhkəməyə verdi

Fransanın Burquen-Jale şəhərinin sakinləri Rikko adlı xoruzu ilə bağlı şikayət etdiyinə görə qonşuları ilə məhkəməyə çağırılırlar. İclas yanvar ayına planlaşdırılıb.

Şikayət edən qonşu iddia edir ki, Rikkonun qışqırması onun konsentrasiyasında ciddi problemlər yaradır, eşitmə yorğunluğuna və yuxusunu itirməsinə səbəb olur. O bildirir ki, xoruzun səsi gecə-gündüz dayanmır. Beş yaşlı xoruz sahibləri qonşularının iddiası ilə razılaşmırlar.

Onlar izah ediblər ki, toyuq hini avtomatik sistemlə təchiz olunub, bunun sayəsində qapılar yalnız qışda saat 08:30-da, yayda isə saat 09:00-da açılır. Onların sözlərinə görə, Rikko səhərlər təxminən 15 dəfə 15 dəqiqə, gün ərzində isə bir neçə dəfə banlayır, saat 20:00-da isə hinin qapıları bağlanr.

"Xoruzu qəbul edəndən sonra özümüzə dedik ki, qonşuları narahat etməmək üçün saat 08:30-da toyuq hininin qapılarının açılmasını təmin edəcəyik qışda toyuqlar artıq yumurta qoymurlar, çünki onların işığa ehtiyacı var, ona görə də qışda onu saat 8:30-da, yayda isə 9:00-da açırıq", - Frank bildirib.

O, həyat yoldaşı ilə 25 il əvvəl Burquen-Jaleyə köçüb, daha sakit, daha kənd həyatı axtarır. İddia onlar üçün sürpriz olub. Narazı qonşu əvvəlcə meriya vasitəsilə problemi həll etməyə çalışsa da, nəticəsi olmayıb.

İddiaçının bu şəhərciyə 2021-ci ildə köçdüyü məlum olub. O, xoruzun banlamasının onun bağçasından həzz almasına və keyfiyyətli yuxu almasına mane olduğunu iddia edir. İddia 2021-ci ildə qəbul edilmiş "Fransa kəndlərinin hissiyyat irsini müəyyən etmək və qorumaq məqsədi daşıyan" qanundan irəli gəlir.

Quşun sahibləri "həmişə kəndli olan bir mühitdə" yaşadıqlarında israr edir, qonşu isə həmin ərazinin artıq kənd olmadığını təkid edir.//Lent.az

Telegramda izləyin