"Məişət zorakılığından əziyyət çəkənlərin əksəriyyəti uşaqlardır" – AÇIQLAMA

Məişət zorakılığının araşdırılmasında psixoloq və pedaqoqların da iştirakı nəzərdə tutulur. Bu, "Məişət zorakılığının qarşısının alınması haqqında" qanuna təklif edilən dəyişiklik layihəsində əksini tapıb.

Bəs görəsən bu dəyişiklik məişət zorakılığının qarşısının alınmasına kömək edəcəkmi?

Mövzu ilə bağlı sosioloq Lalə Mehralı Sonxeber.az – a açıqlama verib:

"Ailə qadın və uşaq problemləri üzrə dövlət komitsəində bu cür tətbiq var. Onlar problemli ailələr aşkarladıqda, məişət zorakılığı ilə bağlı xəbər aldıqda ailələrlə söhbət və problemin həlli üçün həmin ştatda olan əməkdaşlarını yönləndirirlər. Çünki heç kəs işi bilən adam qədər problemin həllində daha məhsuldar ola bilməz. Kim hansı sahənin bilicisidirsə, elə problemin həllini də həmin şəxsdən istəmək lazımdır. Onlar kömək etməlidir bu məsələlərə. Yekun rəyi də onlar verməlidir. Düşünürəm ki, xüsusilə pedaqoqların bu məsələdə rolu böyük olmalıdır. Çünki məişət zorakılığından əziyyət çəkənlərin əksəriyyəti uşaqlardır. Onlarla işləmək də həssas məsələdir. Buna görə də ən yaxşı seçim məhz pedaqoqlar və psixoloqlardır. Bu addımı təqdirəlaiq hesab edirəm".

Çiçək Sadatova

Telegramda izləyin