Evdən qaçan qızını qayıtması üçün razı sala bilməyən ata özünü yandırdı

Dənizlinin Kale rayonunda bazar yerində camaatın gözü qarşısında özünü yandıran şəxs müalicə aldığı xəstəxanada 7 gün sonra dünyasını dəyişib.

Sonxeber.az türk mediasına istinadən xəbər verir ki, hadisə Kale rayonunun mərkəzində, Cümhuriyyət məhəlləsində qurulan bazarda baş verib. Rayonda çörəkçi olan Halil Seliz (42) bazarda alış-veriş edən camaatın gözü qarşısında üzərinə benzin töküb. Ətrafdakı vətəndaşların məlumatı üzərinə əraziyə polis və təcili tibbi yardım sövq edilib.

Kişini özünü yandırmasın deyə razı sala bilməyən polis onun həyat yoldaşını və qızını əraziyə çağırıb. O evdən qaçan qızının geri qayıtmasını istəyib lakin onu razı sala bilməyib. Halil Seliz qızı evə qayıtmaq istəmədiyini dedikdən sonra içdiyi benzinlə özünü yandırıb. Hadisə yerində edilən ilk tibbi yardımdan sonra o xəstəxanaya çatdırılıb. Lakin edilən bütün müdaxilələrə baxmyaraq Selizi xilas etmək mümkün olmayıb.

Onun cənazəsinin məhəllə qəbiristanlığında dəfn ediləcəyi bildirilib.

Telegramda izləyin