Sığalladığı qarğa üzündən polisə düşdü

Sivasda Azra Boysak adlı gənc qadının tələbə olduğu universitetin həyətində rastlaşdığı və sığalladığı qarğanı sosial şəbəkədə palaşıb.

Sonxeber.az türk mediasına istinadən xəbər verir ki, gənc qadının qarğa ilə etdiyi paylaşımlar bir çox istifadəçi tərəfindən bəyənilib və sosial mediada viral olub.

Lakin Boysak gözləmədiyi hadisə ilə üzləşib. Qarğanın özünə məxsus olduğunu iddia edən bir vətəndaş onu polisə şikayət edib və cinayət işi qaldırıb.

Boysak polis bölməsinə gedərək ifadə verib.

Daha sonra sosial media hesabından açıqlama verən Azra Boysak: "Təxminən 2 həftə əvvəl qarğanı gördüm və bir neçə gün əvvəl videosunu paylaşdım. Amma indi qarğa məndə deyil. Onu nə sahiblənmişəm, nə də evimə gətirmişəm. Belə bir fikrim heç olmayıb. Çünki qarğanın evdə saxlanıla biləcəyini düşünmürəm" , - deyə bildirib.

Telegramda izləyin