Dəniz sahilində aşkarlanan "qara toplar"ın mənşəyi nədir?

Alimlər Sidney çimərliklərində peyda olan "qara toplar"ın yağ, insan nəcisi və digər maddələrin qarışığı olduğunu açıqlayıb.

Sonxeber.az xarici mediaya istinadən xəbər verir ki, Avstraliyanın Sidney şəhər məclisi, mənşəyi naməlum "qara toplar"a görə oktyabr ayında yerli Kugi çimərliyini bağlamışdı.

Məclisin bəyanatında: "Sidneydəki Kuji çimərliyi sahil xilasediciləri bu gün günortadan sonra naməlum mənşəli top formalı maddələr aşkar etdikləri üçün bir müddətlik bağlıdır", - deyə bildirilib.

Bələdiyyənin ətraf mühitin mühafizəsi işçiləri çimərlikdən nümunələr toplayıb və sınaq üçün labaratoriyaya göndəriblər. Alimlər apardıqları araşdırmalardan sonra bu topların yağ, insan nəcisi, kimyəvi qalıqlar və digər zərərli maddələrin qarışığından ibarət olduğunu bildiriblər.

Bu "top"ların dənizdən sahilə vurduğu ehtimal edilir.

Telegramda izləyin