Sərnişin gəmisində baş verənlər "Titanik"i xatırlatdı - VİDEO

Royal Caribbean kruiz gəmisində qorxulu anlar yaşanıb.

Sonxeber.az xarici mediaya istinadən xəbər verir ki, İspaniyadan Mayamiyə gedən gəmidə olan 5 min sərnişin Afrika sahillərində böyük çaxnaşma yaşayıb.

Sürəti saatda 140 kilometrə çatan külək gəmini vurub və gəmi üç dəqiqə ərzində 45 dərəcə bucaq altında əyilib.

Hadisə zamanı bir sərnişin yaralanıb və gəmi yaralı sərnişinin müalicəsi üçün təcili ən yaxın limana doğru yol alıb.

Gəmidə olan kanadalı sərnişin Dan: "Titanik kimi bir an idi. İnsanların qışqırdığını eşidəndə qorxdum. Həmkarlarıma vida mesajı göndərdim, öləcəyimi düşündüm" , - deyə bildirib.

Hadisə sosial şəbəkələrdə geniş işıqlandırılıb. Bir çox istifadəçi gəmidəki təhlükəsizlik tədbirlərinin kifayət qədər görülmədiyini bildirib.

Telegramda izləyin