Toyda dava düşdü, gəlin qonaqlardan birini döydü

Tekirdağ Çerkezköydə toyda yaranan mübahisə İstanbul Esenyurtda əlbəyaxa dava ilə nəticələnib.

Sonxeber.az türk mediasına istinadən xəbər verir ki, hadisə dünən səhər saatlarında İstanbulun Esenyurt Səlahəddin Əyyubi səmtində baş verib.

Belə ki, ötən axşam Çerkezköydə keçirilən toyda halay zamanı gəlin və bəyin qohumları arasında mübahisə yaranıb. Bu zaman gəlin qonaqlardan birini döyüb.

Toyun ertəsi gün səhər gəlinin qohumları əllərində ağaclarla Esenyurtda bəyin qohumları olan küçəyə gediblər. Bu zaman tərəflər arasında əlbəyaxa dava yaranıb.

Dava zamanı gəlinin qohumları bəyin qohumlarının maşınlarına hücum edib və şüşələri sındırıblar.

Məlumat verildikdən sonra hadisə yerinə polis və təcili tibbi yardım göndərilib.

Əraziyə gəələn polislər dava edənləri tutaraq idarəyə aparıb.

Faktla bağlı istintaq başladılıb.

Telegramda izləyin