İşdən evə qayıdan qadın küçə itləri tərəfindən görün nə hala salındı

Ankaranın Çankaya səmtində yerləşən Çiğdem məhəlləsindəki sahibsiz it sürüləri vətəndaşları narahat edir.

Sonxeber.az türk mediasına istinadən xəbər verir ki, ötən həftə işdən evə qayıdarkən itlərin hücumuna məruz qalan Meliha Yılmaz üzündən və ayaqlarından ağır xəsarət alıb.

Xəstəxanaya aparılan Yılmazın müalicəsinin uzun müddət davam edəcəyi bildirilib.

Yılmazın ailəsi aidiyyatı qurumlara müraciət edərək problemin həlli üçün kömək istəyib.

Məhəllə sakinlərindən Nurhan Öner də səlahiyyətlilərdən vəziyyətin tezliklə həll edilməsini istəyib. Məsələ ilə bağlı danışan Öner bunları deyib:

"Uşağımın məktəbi olduğuna görə hər zaman bu yoldan istifadə edirəm. Ətrafda həmişə it sürüləri var və biz özümüzü narahat hiss edirik. Onlar yola çıxır və insanlara hücum edirlər. Biz indi bunun daimi həllini istəyirik. Bələdiyyə gəlib baxır, ammaheç bir tədbir görmür. Biz səsimizi eşitdirmək istəyirik. Həyat təhlükəsizliyimizin qorunmasını, övladımızın təhlükəsiz yaşamasını istəyirik. Uşaq bu vəziyyətlə qarşılaşdıqda nə edə bilər? Daha ciddi halların baş verməsini istəmirik. Niyə qorxu içində küçədə gəzməliyik? Bizim kimi bir çox insan bu vəziyyətdən şikayətlənir".

Səlahiyyətli qurumlardan isə hələlik məsələ ilə bağlı bir açıqlama verilməyib.

Telegramda izləyin