Bir kişi marketin qapısında palçıqlı ayaqqabılarını çıxarıb ayaqyalın alış-veriş etdi - VİDEO

Hatayda bir vətəndaş qapıda palçıqlı ayaqqabılarını çıxararaq marketə daxil olub.

Sonxeber.az türk mediasına istinadən xəbər verir ki, vətəndaş marketin döşəməsi çirklənməsin deyə qapının ağzında palçıqlı ayaqqabısını çıxarıb və içəri daxil olub. Alış-verişini ayaqyalın edən kişi marketdən çıxandan sonra ayaqqabılarını geyinib.

Həmin anlar vətəndaşlardan birinin mobil telefonunun kamerası ilə lentə alınıb.

Görüntüləri lentə alan Abdulla Dağ: "Yanacaq almaq üçün yanacaqdoldurma məntəqəsinə girdim. Bir vətəndaş marketə girərkən palçıqlı ayaqqabılarını çıxardı. Bunu görəndə telefonumla həmin anı çəkməyə başladım. O alış-verişini edib, çölə çıxdıqdan sonra ayaqqabılarını yenidən geyindi", - deyə bildirib.

Telegramda izləyin