Diş həkimini uşaqlarının yanında bıçaqlayıb qaçan qadın saxlanılıb

Bursansanın Yıldırım rayonunda aralarında yaranan mübahisə nəticəsində xəstə qadın diş həkiminə bıçaqla xəsarət yetirib.

Sonxeber.az türk mediasına istinadən xəbər verir ki, H.Y adlı qadın 3 övladı ilə Bursanın Yıldırm rayonunda yerləşən özəl diş klinikasına gəlib. Diş həkimi Hakkı Nail məşğul olduğu üçün onu qəbul edə bilməyəcəyini bildirib. Bu zaman qadın çantasında gəzdirdiyi bıçaqla həkimə hücum edib. O bıçağı Hakkı Nail -in çiyninə sancaraq hadisə yerindən qaçıb.

Məlumat üzərinə hadisə yerinə polis və təcili tibbi yardım gəlib. Yaralı həkimi xəstəxanaya çatdırılıb. Onun çiynində qalan bıçaq əməliyyatla çıxarılıb.

Hadisə yerindən qaçan şübhəli qadın qısa müddətdə polis tərəfindən saxlanılıb. İfadəsi davam edən şübhəlinin polis bölməsindəki əməliyyatlardan sonra ədliyyəyə sövq ediləcəyi bildirilib.

Telegramda izləyin