Çəkdirdiyi döyməni bəyənmədiyi üçün studiyaya güllə yağdırdı - VİDEO

Hadisə Esenyurtda baş verib.

Sonxeber.az türk mediasına istinadən xəbər verir ki, iddiaya görə, qolundakı döyməni bəyənməyən Y.İsmail döymə ustasına zəng edərək onu hədələyib.

Y.İsmail telefon danışığından sonra başlıq və maska ​​taxıb döymə studiyasının qarşısına gələrək iş yerinə güllə sıxıb və sonra oradan qaçıb.

Silah səsləri eşidən insanların xəbər verməsi üzərinə polis qrupları ünvana gəlib.

Polis əməkdaşlarının apardığı əməliyyat nəticəsində şəxsiyyəti müəyyən edilən Y.İsmayıl əli olduğu başqa bir cinayətə görə polis tərəfindən tutulduğu və gətirildiyi ədliyyə orqanları tərəfindən həbs edildiyi öyrənilib.

Telegramda izləyin